കൂടരഞ്ഞി ഗ്രാമപഞ്ചായത്തില്‍ ജൈവ സര്‍ട്ടിഫിക്കേഷന്‍

ആദ്യ ഘട്ട മീറ്റിംഗില്‍ നിന്ന്

                                                         ക്യഷി വകുപ്പ് പദ്ധതി പ്രകാരം കൂടരഞ്ഞി ക്യഷിഭവന്‍ പരിധിയില്‍ വിളകള്‍ക്ക് ജൈവ സര്‍ട്ടിഫിക്കേഷന്‍ നടപ്പില്‍ വരുത്തുന്നു. പദ്ധതിയില്‍ ഉള്‍പ്പെടാന്‍ താല്പര്യമുള്ളകര്‍ഷകര്‍ 15.01.2016 നുള്ളില്‍ കൂടരഞ്ഞി ക്യഷിഭവനില്‍ പേര് രജിസ്റ്റര്‍ ചെയ്യേണ്ടതാണ്.

ഒട്ടുമാവിന്‍ തൈ വിതരണം ചെയ്യുന്നു

              സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ - ആര്‍ കെവി വൈ പദ്ധതി പ്രകാരം കൂടരഞ്ഞി ക്യഷിഭവന്‍ പരിധിയിലുള്ള കര്‍ഷകര്‍ക്ക് സൗജന്യമായി ഒട്ടു മാവിന്‍ തൈ വിതരണം ചെയ്യുന്നു. ബംഗനപ്പള്ളി  ഇനത്തില്‍പ്പെട്ട ഒട്ടുമാവിന്‍ തൈകളാണ് പദ്ധതി പ്രകാരം വിതരണം ചെയ്യുന്നത്. നാളെ രാവിലെ 10.30 മുതല്‍ കൂടരഞ്ഞി ക്യഷിഭവന്‍ പരിസരത്ത് തൈകള്‍ വിതരണം ചെയ്യുന്നതാണ്

കൂടരഞ്ഞിയില്‍ എലി നശീകരണ പരിപാടി

                             ക്യഷിവകുപ്പ് വിള ആരോഗ്യ പരിപാലന പദ്ധതി പ്രകാരം എലി നശീകരണത്തിനായി എലിവിഷ പാക്കറ്റുകള്‍ സൌജന്യമായി വിതരണം ചെയ്യുന്നു. എലിവിഷ പാക്കറ്റുകള്‍ക്കായി കര്‍ഷകര്‍ കൂടരഞ്ഞി ക്യഷിഭവനുമായി ബന്ധപ്പെടേണ്ടതാണ്. കേരള വെയര്‍ ഹൌസിങ് കോര്‍പ്പറേഷന്‍ മുഖേന അനുവദിച്ചിട്ടുള്ള രണ്ടായിരത്തി ഒരുന്നൂറ് എലിവിഷപ്പാക്കറ്റുകളാണ് കൂടരഞ്ഞി ക്യഷിഭവന്‍ മുഖേന വിതരണം ചെയ്യുന്നത്.

അഗ്രോ സര്‍വ്വീസ് സെന്റര്‍ വിത്ത് - തൈ ഉല്‍പാദന കേന്ദ്രത്തില്‍ പച്ചക്കറിത്തൈകള്‍ വില്‍പ്പനയ്ക്ക്

                                            

               

                     തിരുവമ്പാടി അഗ്രോ സര്‍വ്വീസ് സെന്ററിന്റെ കൂടരഞ്ഞിയിലുള്ള വിത്ത്- തൈ ഉല്‍പാദന കേന്ദ്രത്തില്‍ പച്ചക്കറിത്തൈകള്‍ വില്‍പ്പനയ്ക്ക് തയാറായി. പച്ചക്കറിത്തൈ ഉല്‍പ്പാദനത്തില്‍ വിദദ്ധ പരിശീലനം നേടിയ കൂടരഞ്ഞി കുരീക്കാട്ടില്‍ ജോണ്‍  എന്ന കര്‍ഷകന്റെ പോളിഹൌസിലാണ് തൈകള്‍ വില്‍പ്പനയ്ക്ക് തയ്യാറായി വരുന്നത്. കഴിഞ്ഞ രണ്ടു വര്‍ഷങ്ങളിലായി കോഴിക്കോട് ജില്ലയിലെ വിവിധ ക്യഷിഭവനുകളിലേയ്ക്ക് തൈകള്‍ നല്‍കിയിരുന്നത് ഈ ഉല്‍പ്പാദന കേന്ദ്രത്തില്‍ നിന്നായിരുന്നു. പോട്രേകളില്‍ തയ്യാറാക്കപ്പെടുന്ന ഈ തൈകള്‍ ഹൈബ്രിഡ് ഇനത്തില്‍ പ്പെട്ടവയാണ്. അങ്കുരണ ശേഷി ഉറപ്പു വരുത്തുന്നതിനും ഗുണം ​ഉറപ്പു വരുത്തുന്നതിനുമാണ് ഇങ്ങനെയുള്ള വിത്തുകള്‍ ഉപയോഗിക്കുന്നത്. മികച്ച ഗുണമേന്‍മയില്‍ ഉല്പ്പാദിക്കപ്പെടുന്ന ഈ തൈകളുടെ വില ഒരു തൈക്ക്  2.50 രൂപ മുതല്‍ മൂന്നു രൂപ വരെ, പപ്പായ കവറിലുള്ളത് 20 രൂപ.

പച്ചക്കറിവിത്തുകള്‍ സൌജന്യ വിതരണത്തിന്.

                          ആര്‍. കെ. വി. വൈ. പദ്ധതി പ്രകാരം കൂടരഞ്ഞി ക്യഷിഭവനില്‍ പച്ചക്കറി വിത്തുകള്‍ വിതരണം ചെയ്യുന്നു. പദ്ധതിപ്രകാരം സൌജന്യമായാണ് പച്ചക്കറി വിത്തുകള്‍ വിതരണം ചെയ്യുന്നത്. താല്‍പര്യമുള്ള കര്‍ഷകര്‍ ക്യഷിഭവനുമായി ബന്ധപ്പെടേണ്ടതാണ്.

കേരഫെഡ് ഉല്‍പ്പന്നങ്ങള്‍ വില്‍പ്പനയ്ക്ക്

                  കൂടരഞ്ഞിക്യഷിഭവനില്‍ കേരഫെഡ് ഉല്‍പ്പന്നങ്ങളായ കോക്കനട്ട് മില്‍ക് പൌഡര്‍, ഡെസികേറ്റഡ് കോക്കനട്ട്, ഹെയര്‍ ഓയില്‍ എന്നിവ വില്‍പ്പനയ്ക്കെത്തി. ക്യഷിഭവന്‍ പ്രവ്യത്തി സമയങ്ങളില്‍ ഉല്‍പ്പന്നങ്ങള്‍ ലഭ്യമായിരിക്കും.

പച്ചക്കറി വിത്തുകള്‍ വില്‍പ്പനക്കെത്തി

                   

                കൂടരഞ്ഞി ക്യഷിഭവനില്‍ പച്ചക്കറി വിത്തുകള്‍ വില്‍പ്പനക്കെത്തി. വെണ്ട (സല്‍ക്കീര്‍ത്തി), വള്ളിപ്പയര്‍ (ലോല), പയര്‍ (കനകമണി), ചീര ചുവപ്പ് (അരുണ്‍ ), മത്തന്‍ (അമ്പിളി), ചുരങ്ങ (അര്‍ക്കബാഹര്‍) എന്നീ ഇനങ്ങളാണ് വില്‍പ്പനക്കെത്തിയിരിക്കുന്നത്. ആറുതരം വിത്തുകളടങ്ങിയ ഈ വിത്ത് കിറ്റിന്റെ വില അറുപത് രൂപ. ക്യഷിഭവന്‍ പ്രവ്യത്തി സമയങ്ങളില്‍ വിത്ത് കിറ്റുകള്‍ ലഭ്യമായിരിക്കും.

കുരുമുളക് തൈകള്‍ വിതരണത്തിനെത്തി

                

         കൂടരഞ്ഞി ക്യഷിഭവനില്‍ പന്നിയൂര്‍, കരിമുണ്ട ഇനത്തിലുള്ള തൈകള്‍ സൌജന്യവിതരണത്തിനെത്തി. കുറഞ്ഞത് 50 സെന്റില്‍ കുറയാതെ ക്യഷിസ്ഥലമുള്ള കര്‍ഷകര്‍ക്കാണ് തൈ ലഭിക്കുന്നതിന്. അര്‍ഹതയുണ്ടായിരിക്കൂ. കുരുമുളക് തൈകള്‍ ലഭിക്കുന്നതിന് സ്റ്റേറ്റ് ഹോര്‍ട്ടികള്‍ച്ചര്‍ മിഷന്റെ അപേക്ഷ ഫോം 2 എണ്ണം, അപ്പെന്‍ഡിക്സ് ഫോം 1 എണ്ണം,  2015-16 ലെ നികുതി ശീട്ട് 1 എണ്ണം, ബാങ്ക്പാസ് ബുക്ക് പകര്‍പ്പ് 1എണ്ണം എന്നിവ സഹിതം ക്യഷിഭവനില്‍ അപേക്ഷ സമര്‍പ്പിക്കാവുന്നതാണ്.

കുറിയ ഇനം തെങ്ങിന്‍ തൈകള്‍ വിതരണത്തിനെത്തി

             കൂടരഞ്ഞി ക്യഷിഭവനില്‍ കുറിയ ഇനത്തില്‍പ്പെട്ട തെങ്ങിന്‍ തൈകള്‍ വിതരണത്തിനെത്തി. ഒരു തൈയുടെ വില രൂപ 75/- (രൂപ എഴുപത്തഞ്ച് മാത്രം ). താല്‍പര്യമുള്ളവര്‍ ഉടന്‍ തന്നെ കൂടരഞ്ഞി ക്യഷിഭവനുമായി ബന്ധപ്പെടുക.

ബയോഗ്യാസ് പ്ലാന്റുകള്‍ക്ക് സബ്സിഡി നല്‍കുന്നു

                         കൂടരഞ്ഞി ക്യഷിഭവന്‍ മുഖേന ബയോഗ്യാസ് പ്ലാന്റുകള്‍ക്ക് സബ്സിഡി നല്‍കുന്നു.  ജൈവ മാലിന്യത്തില്‍ നിന്ന് പാചക വാതകത്തിനൊപ്പം മികച്ച ജൈവവളവും ഉല്‍പാദിപ്പിക്കാം . ക്യഷിവകുപ്പിന്റെ പരിശീലനം ലഭിച്ച വിദഗ്ധ തൊഴിലാളികള്‍ ഗ്യാസ് പ്ലാന്റുകള്‍ നിര്‍മ്മിക്കുന്നു. താല്‍പര്യമുള്ള കര്‍ഷകര്‍ കൂടരഞ്ഞി ക്യഷിഭവനുമായി ബന്ധപ്പെടേണ്ടതാണ്.

ഗ്രോബാഗുകള്‍ വിതരണം ചെയ്യുന്നു

                   സമഗ്ര പച്ചക്കറി വികസന പദ്ധതി പ്രകാരം കൂടരഞ്ഞി ക്യഷിഭവന്‍ മുഖേന ഗ്രോബാഗുകള്‍ വിതരണം ചെയ്യുന്നു. ഒരു യൂണിറ്റിന്റെ വില  500 രൂപ. യൂണിറ്റുകളുടെ എണ്ണം കുറവായതിനാല്‍ താല്‍പര്യമുള്ള കര്‍ഷകര്‍ എത്രയും പെട്ടെന്ന് ക്യഷിഭവനില്‍ തുക അടച്ച് പേര് രജിസ്റ്റര്‍ ചെയ്യേണ്ടതാണ്.

'കുടുംബശ്രീ' സംഘങ്ങള്‍ക്ക് 'മുരിങ്ങ', 'കറിവേപ്പില' തൈകള്‍ വിതരണം ചെയ്യുന്നു

              കൊടുവള്ളി ബ്ലോക്ക് പഞ്ചായത്തിന്റെ 'ഹില്‍ ഏരിയ ഡവലപ്മെന്റ് ഏജന്‍സി' പദ്ധതി പ്രകാരം കൂടരഞ്ഞി ഗ്രാമപഞ്ചായത്തിലെ കുടുംബശ്രീസംഘങ്ങള്‍ക്ക് 'മുരിങ്ങ', 'കറിവേപ്പില' തൈകള്‍ വിതരണം ചെയ്യുന്നു. ഗുണഭോക്ത്യലിസ്തിലുള്ള കുടുംബശ്രീസംഘങ്ങള്‍ ഉടന്‍ തന്നെ കൂടരഞ്ഞി ക്യഷിഭവനുമായി ബന്ധപ്പെടേണ്ടതാണ്.

കൂടരഞ്ഞി ക്യഷിഭവനില്‍ പച്ചത്തേങ്ങ സംഭരണം പുരോഗമിക്കുന്നു

       കൂടരഞ്ഞി ക്യഷിഭവനില്‍ പച്ചത്തേങ്ങ സംഭരണം പുരോഗമിക്കുന്നു. സംഭരണവില ഇരുപത്തിയഞ്ചു രൂപ. താല്‍പര്യമുള്ള കര്‍ഷകര്‍ ക്യഷിഭവനുമായി ബന്ധപ്പെടേണ്ടതാണ്.