മണലാരിണ്യത്തില്‍ നിന്ന് ഹരിത കാന്തിയിലേക്ക് ...

                       

 'നമ്മുടെ സ്വന്തം നാടിന്റെ ഗ്രാമഭംഗി ഏത് പ്രവാസിയേയും തിരിച്ചു വരവിനായി പ്രലോഭിപ്പിക്കും. നമ്മുടെ കൊച്ചു നാടിന്റെ മനോഹാരിത വേറെവിടേയും ദര്‍ശിക്കാന്‍ കഴിയില്ല.  ഇവിടം വിട്ടു പോയി മറ്റ് രാജ്യങ്ങളില്‍ താമസിക്കുന്നവര്‍ക്കാക്കാണ് മാറ്റാരേക്കാളും മനസ്സിലാകുന്നത്. കൂടരഞ്ഞി മാങ്കയം സ്വദേശി ഉഴുന്നാലില്‍ ജിമ്മി അലക്സ് ആ തിരിച്ചറിവില്‍ ഇരുപത്തിനാല് വര്‍ഷത്തെ പ്രവാസ ജീവിതം അവസാനിപ്പിച്ചു കൊണ്ട് ഇന്ന്  സ്വന്തം നാടിനെ സ്നേഹിക്കുകയും അനുഭവിക്കുകയുമാണ്  ഒരു പൂര്‍ണ്ണസമയ ക്യഷിക്കാരനായി. 

അധിക വരുമാനത്തിന് വാഴയ്ക്ക് ഇടവിള പച്ചക്കറി

           

        ചുരുങ്ങിയ സമയത്തിനുള്ളില്‍ കര്‍ഷകര്‍ക്ക് മികച്ച വരുമാനം ഉറപ്പ് വരുത്തുന്നതില്‍ ഇന്ന് വാഴക്ക്യഷിയ്ക്കല്ലാതെ വേറൊരു ക്യഷിയ്ക്കും സാധ്യമല്ല. ഇന്ന് മലയോര മേഖലയിലെ നിരവധി കര്‍ഷകര്‍ ഈ വിളയ്ക്ക് പുറകേയാണ്. പത്ത് പന്ത്രണ്ട് മാസത്തിനുള്ളില്‍ വിളവെടുക്കാം, പ്രതികൂല സാഹചര്യങ്ങള്‍ ഇല്ലെങ്കില്‍ മുടക്ക് മുതലിന്റെ മൂന്നിരട്ടി ലാഭവും ലഭിക്കും. അത് കൊണ്ട് തന്നെ കര്‍ഷകര്‍ക്ക് പ്രിയങ്കരമായ വിളയാണ് വാഴ. കൂടുതല്‍ കര്‍ഷകരും പാട്ടത്തിനെടുത്ത സ്ഥലത്താണ് ക്യഷി ചെയ്യുന്നത്. ക്യഷിയെ സ്നേഹിക്കുന്നവര്‍ക്കും സ്വന്തമായി ക്യഷിസ്ഥലമില്ലാത്തവര്‍ക്കും ഹ്രസ്വ കാല വിളയെന്ന നിലയില്‍ അനുയോജ്യമായ ക്യഷിയാണ് വാഴ.

ചക്കയില്‍ പ്രതീക്ഷയോടെ ജെയിംസ്..

                          നൂറിലധികം പ്ലാവുകള്‍ നിറഞ്ഞു നില്‍ക്കുന്ന ക്യഷിയിടം. പല പ്രായത്തിലുള്ളവയില്‍ നട്ടു വളര്‍ത്തിയതുണ്ട് കുരു വീണ് മുളച്ചതുണ്ട്. ആനയോട് മാവേലിമണ്ണില്‍ ജെയിംസ് എന്ന ചാക്കോ  മുപ്പത്തിയഞ്ചു വര്‍ഷത്തിലധികമായി ക്യഷി തുടങ്ങിയിട്ട്. അദ്ദേഹം ഒരിക്കല്‍ പോലും പ്ലാവ് ഒരു ക്യഷിയായി കണ്ടിരുന്നില്ല. ക്യഷിയിടത്തിലെ വിളകള്‍ അതിനിടയ്ക്ക് ഒരു ഫലവ്യക്ഷം എന്ന പരിഗണന മാത്രമേ  പ്ലാവിന്ന ല്‍കിയിരുന്നുള്ളൂ. ചക്കയെ ഔദ്യോഗിക ഫലമായി പ്രഖ്യാപിച്ചത് മുതലാണ് ക്യഷിയിടത്തിലെ ഈ പ്ലാവ് മഹാത്മ്യം തിരിച്ചറിഞ്ഞ് തുടങ്ങിയത്. നിരവധി ആളുകള്‍ ഇപ്പോള്‍ ആവശ്യക്കാരായുണ്ട്. കഴിഞ്ഞ വര്‍ഷം വരെ ചക്ക പഴുത്ത് വീണു പോകുന്ന അവസ്ഥയാണുണ്ടായിരുന്നത്. മഴക്കെടുതിക്ക് ശേഷം പ്ലാവില്‍ കഴിഞ്ഞ കൊല്ലത്തെ അത്രയും വിളവില്ല. ഉണ്ടായിരുന്നെങ്കില്‍ നല്ലൊരു വരുമാനം തന്നെ ഇക്കൊല്ലം ലഭിക്കുമായിരുന്നു എന്ന് ജെയിംസ് പറയുന്നു.

ജോര്‍ജ്ജേട്ടന് ഇത് തേന്‍ കാലം

                                

              തേനീച്ചകള്‍ വട്ടമിട്ടു പറക്കുമ്പോഴും അവ കുത്തുമെന്ന പേടി ലവലേശമില്ല  ജോര്‍ജ്ജേട്ടന്.  ജോര്‍ജ്ജേട്ടനിത് തേനെടുപ്പിന്റെ കാലമാണ്. നൂറിലധികം വരുന്ന തേനീച്ചപ്പെട്ടികളില്‍ തേന്‍ കുമിഞ്ഞു കൂടുന്ന സമയം. കോഴിക്കോട് കൂടരഞ്ഞി അക്കരത്തകിടിയില്‍ ജോര്‍ജ്ജ് എന്ന കര്‍ഷകന്‍ വര്‍ഷങ്ങളായി കാരാട്ടുപാറയിലെ സ്വന്തം ക്യഷിയിടത്തിലും മറ്റ് പറമ്പുകളിലുമായി പെട്ടികള്‍ സ്ഥാപിച്ച് തേനീച്ചക്ക്യഷി ചെയ്തു വരുന്നു. മഴക്കെടുതിയില്‍  പെട്ടികളില്‍ നിന്ന് തേനീച്ചകള്‍ പോയെങ്കിലും ഇപ്പോള്‍ അത് തിരികെപ്പിടിച്ചിരിക്കയാണ് ഈ കര്‍ഷകന്‍. നൂറിലധികം പെട്ടികളാണ് ഇപ്പോള്‍ ഇദ്ദേഹം പരിപാലിച്ച് വരുന്നത്.

മട്ടുപ്പാവില്‍ കുരുമുളക് ക്യഷി, ഇത് വില്‍സന്റെ സ്റ്റൈല്‍

                 

                   മട്ടുപ്പാവില്‍ കുരുമുളക് ക്യഷിയോ? എന്ന് വിചാരിച്ച് അത്ഭുതപ്പെടേണ്ട. കൂടരഞ്ഞി കരിംകുറ്റി തയ്യില്‍ വില്‍സണ്‍ എന്ന ചെറുപ്പക്കാരന്‍ തന്റെ ചെറിയ ടെറസ്സ് പൂര്‍ണ്ണമായും കുരുമുളക് ക്യഷിയ്ക്കായി മാറ്റി വെച്ചിരിക്കുകയാണ്.  പച്ചക്കറിക്യഷി ചെയ്തിരുന്ന സ്ഥലമാണ് ഇന്ന് കുരുമുളക് കയ്യടക്കിയിരിക്കുന്നത്.

പയറുക്യഷിയില്‍ ഒരു വിദ്യാര്‍ഥിമാത്യക

               

                                   പുതു തലമുറ ക്യഷിയില്‍ താല്പര്യം കാണിക്കുന്നില്ല എന്ന് വിമര്‍ശിക്കുന്നവര്‍ക്ക് മറുപടിയുമായി കൂടരഞ്ഞി മാങ്കയത്ത് നിന്നും ഒരു കോളേജ് വിദ്യാര്‍ഥി. കൊടപ്പള്ളില്‍ റെജിയുടെയും ലെനിയുടേയും മകനും തിരുവമ്പാടി അല്‍ഫോന്‍സാ കോളേജ് വിദ്യാര്‍ഥിയുമായ അബിനാണ് അരയേക്കറിനടുത്ത് പയര്‍ക്യഷി ചെയ്തു കൊണ്ട് മാത്യകയാവുന്നത്.

                   നാലാം ക്ലാസ്സില്‍ പഠിക്കുമ്പോള്‍ ക്യഷിയില്‍ താല്പര്യം കാണിച്ചു തുടങ്ങിയിരുന്ന അബിന്‍ അന്ന് ഒരു വാഴ തനിയെ നട്ട് പരിപാലിച്ച് തന്റെ ക്യഷി താല്പര്യം വെളിവാക്കിയതാണ്. അന്നു മുതല്‍ ഒരു വാഴയെങ്കിലും ഓരോ വര്‍ഷവും ക്യഷി ചെയ്യുന്നതിന് പരിശ്രമിച്ചിട്ടുണ്ട്. നന്നായി പരിപാലിച്ച് പതിനെട്ടു കിലോ വരെ ഏത്ത വാഴക്ക്യഷിയില്‍ വിളവ്  ലഭിച്ചിട്ടുണ്ടെന്ന് ഈ വിദ്യാര്‍ഥി പറയുന്നു.

വീട്ടുമുറ്റം മനോഹരമാക്കി പൂക്കളും പച്ചക്കറികളുമായി അസീസ്

                         

        പൂവാറന്‍തോടിലെ മണ്ണാര്‍പ്പൊയിലില്‍ കായ്ച്ചു കിടക്കുന്ന ജാതിമരങ്ങളുടെ മനോഹാരിതയെ കവച്ചു വെയ്ക്കുന്ന രീതിയില്‍ വീട്ടുമുറ്റം പൂക്കളും പച്ചക്കറികളും കൊണ്ട് ഹരിതാഭമാക്കുകയാണ് പുരമഠത്തില്‍ അസീസ് എന്ന കര്‍ഷകന്‍. പൂവാറന്‍തോടിലെ തന്നെ ഏറ്റവും മികച്ച ജാതിമരങ്ങളുള്ള പ്രദേശമാണ് മണ്ണാര്‍പ്പൊയില്‍. ഇവിടെയാണ് തലയുയര്‍ത്തി നില്‍ക്കുന്ന ജാതിമരങ്ങള്‍ക്കിടയില്‍ ഒതുങ്ങി നില്‍ക്കുന്ന ചെറിയഭവനം അതിനുചുറ്റുമുള്ള പൂക്കളും പച്ചക്കറികളും നയനാന്ദകരമായ കാഴ്ച സമ്മാനിക്കുന്നു.