കൂടരഞ്ഞി കൂമ്പാറ ഗവണ്മെന്റ് ട്രൈബല്‍ സ്കൂളിന് സമീപമുള്ള പുരയിടത്തില്‍ കുരുമുളക് കൃഷിയുടെ പുതുമാതൃക തീര്‍ക്കുകയാണ് പുളിമൂട്ടില്‍ ജോണി എന്ന കര്ഷകന്. ഫലവൃക്ഷങ്ങളും വിവിധ പച്ചക്കറി വിളകളും സുന്ദരകാഴച സമ്മാനിക്കുന്ന ഇടമാണ് ഇദ്ദേഹത്തിന്റെ കൃഷിയിടം. കൃഷിഭവന്‍ സഹായത്തോടെയുള്ള മഴമറയും എല്ലാക്കാലത്തുമുളള പച്ചക്കറിക്കൃഷിയും നമുക്കാവശ്യമുള്ളത് നമുക്ക് തന്നെ വിളയിക്കാന്‍ കഴിയുമെന്ന് വിശ്വസിക്കുന്നവര്‍ക്ക് പ്രചോദനമാണ്.
തന്റെ കൃഷിയിടത്തില്‍ ചില പരീക്ഷ്ണങ്ങള്‍ക്ക് മുതിരുന്ന ഇദ്ദേഹത്തിന്റെ കൃഷിയിടത്തില്‍ ശ്രദ്ധയാകര്‍ഷിക്കുന്ന ഒന്നാണ് പി വി സി പൈപ്പില്‍ വളര്‍ത്തുന്ന കുരുമുളക് ചെടികള്‍. താങ്ങ് കാലുകള്‍ കീടബാധയാല്‍ നശിക്കുമ്പോള്‍ വളര്‍ത്തി വലുതാക്കിയ കുരുമുളക് ചെടികള്‍ നശിക്കുന്നത് കര്ഷകന് ദു:ഖം തന്നെയാണ്.
