നൂറിലധികം പ്ലാവുകള്‍ നിറഞ്ഞു നില്‍ക്കുന്ന ക്യഷിയിടം. പല പ്രായത്തിലുള്ളവയില്‍ നട്ടു വളര്‍ത്തിയതുണ്ട് കുരു വീണ് മുളച്ചതുണ്ട്. ആനയോട് മാവേലിമണ്ണില്‍ ജെയിംസ് എന്ന ചാക്കോ മുപ്പത്തിയഞ്ചു വര്‍ഷത്തിലധികമായി ക്യഷി തുടങ്ങിയിട്ട്. അദ്ദേഹം ഒരിക്കല്‍ പോലും പ്ലാവ് ഒരു ക്യഷിയായി കണ്ടിരുന്നില്ല. ക്യഷിയിടത്തിലെ വിളകള്‍ അതിനിടയ്ക്ക് ഒരു ഫലവ്യക്ഷം എന്ന പരിഗണന മാത്രമേ പ്ലാവിന്ന ല്‍കിയിരുന്നുള്ളൂ. ചക്കയെ ഔദ്യോഗിക ഫലമായി പ്രഖ്യാപിച്ചത് മുതലാണ് ക്യഷിയിടത്തിലെ ഈ പ്ലാവ് മഹാത്മ്യം തിരിച്ചറിഞ്ഞ് തുടങ്ങിയത്. നിരവധി ആളുകള്‍ ഇപ്പോള്‍ ആവശ്യക്കാരായുണ്ട്. കഴിഞ്ഞ വര്‍ഷം വരെ ചക്ക പഴുത്ത് വീണു പോകുന്ന അവസ്ഥയാണുണ്ടായിരുന്നത്. മഴക്കെടുതിക്ക് ശേഷം പ്ലാവില്‍ കഴിഞ്ഞ കൊല്ലത്തെ അത്രയും വിളവില്ല. ഉണ്ടായിരുന്നെങ്കില്‍ നല്ലൊരു വരുമാനം തന്നെ ഇക്കൊല്ലം ലഭിക്കുമായിരുന്നു എന്ന് ജെയിംസ് പറയുന്നു.
തേനീച്ചകള്‍ വട്ടമിട്ടു പറക്കുമ്പോഴും അവ കുത്തുമെന്ന പേടി ലവലേശമില്ല ജോര്‍ജ്ജേട്ടന്. ജോര്‍ജ്ജേട്ടനിത് തേനെടുപ്പിന്റെ കാലമാണ്. നൂറിലധികം വരുന്ന തേനീച്ചപ്പെട്ടികളില്‍ തേന്‍ കുമിഞ്ഞു കൂടുന്ന സമയം. കോഴിക്കോട് കൂടരഞ്ഞി അക്കരത്തകിടിയില്‍ ജോര്‍ജ്ജ് എന്ന കര്‍ഷകന്‍ വര്‍ഷങ്ങളായി കാരാട്ടുപാറയിലെ സ്വന്തം ക്യഷിയിടത്തിലും മറ്റ് പറമ്പുകളിലുമായി പെട്ടികള്‍ സ്ഥാപിച്ച് തേനീച്ചക്ക്യഷി ചെയ്തു വരുന്നു. മഴക്കെടുതിയില്‍ പെട്ടികളില്‍ നിന്ന് തേനീച്ചകള്‍ പോയെങ്കിലും ഇപ്പോള്‍ അത് തിരികെപ്പിടിച്ചിരിക്കയാണ് ഈ കര്‍ഷകന്‍. നൂറിലധികം പെട്ടികളാണ് ഇപ്പോള്‍ ഇദ്ദേഹം പരിപാലിച്ച് വരുന്നത്.
മട്ടുപ്പാവില്‍ കുരുമുളക് ക്യഷിയോ? എന്ന് വിചാരിച്ച് അത്ഭുതപ്പെടേണ്ട. കൂടരഞ്ഞി കരിംകുറ്റി തയ്യില്‍ വില്‍സണ്‍ എന്ന ചെറുപ്പക്കാരന്‍ തന്റെ ചെറിയ ടെറസ്സ് പൂര്‍ണ്ണമായും കുരുമുളക് ക്യഷിയ്ക്കായി മാറ്റി വെച്ചിരിക്കുകയാണ്. പച്ചക്കറിക്യഷി ചെയ്തിരുന്ന സ്ഥലമാണ് ഇന്ന് കുരുമുളക് കയ്യടക്കിയിരിക്കുന്നത്.
