കഴിഞ്ഞ ദിവസങ്ങളിലുണ്ടായ വേനല്‍ മഴയോടൊപ്പമുള്ള ചുഴലിക്കാറ്റില്‍ കൂടരഞ്ഞിയിലെ മലയോര മേഖലയായ പൂവാറംതോട് പ്രദേശത്തെ നിരവധി കര്‍ഷകരുടെ ക്യഷി നശിച്ചു. പൂവാറംതോട്- കല്ലംപുല്ല്, തമ്പുരാന്‍കൊല്ലി, ഓടപ്പൊയില്‍, കൊടിക്കല്‍, മണ്ണാര്‍പ്പൊയില്‍ തുടങ്ങിയ പ്രദേശങ്ങളിലാണ് ചുഴലിക്കാറ്റ് നാശനഷ്ടം വരുത്തിയിരി ക്കുന്നത്. ജോളി തെക്കേക്കര, ജെയിംസ് സ്തുതിക്കാട്, സിബി ഏട്ടാനിയില്‍, കമല മേലെപ്പറമ്പില്‍, രാജന്‍ കുറ്റിയോഴത്തില്‍, വല്‍സല വാഹാനിയില്‍, സജി വാഹാനിയില്‍, മൈക്കിള്‍ കളപ്പുരക്കല്‍ തുടങ്ങിയ കര്‍ഷകരുടെ നൂറുകണക്കിനു വാഴയാണ് കാറ്റില്‍ നിപതിച്ചത്. കൂടാതെ തെങ്ങ്, ജാതി, കൊക്കോ, കമുക് തുടങ്ങിയ വിളകള്‍ക്കും നാശനഷ്ടമുണ്ടായി കൂടരഞ്ഞി ക്യഷിഭവന്‍ ഉദ്യോഗസ്ഥര്‍ ക്യഷിയിടങ്ങള്‍ സന്ദര്‍ശിച്ച് നടപടികള്‍ സ്വീകരിച്ചു വരുന്നു.
